Ծառայություններ

Լոբբի բար

Բարի գալուստ մեր Lobby Bar՝ հանգստի և շփման իդեալական վայր: Այստեղ կարող եք վայելել թարմ պատրաստված սուրճ, բուրավետ թեյեր, ինչպես նաև տեղական և միջազգային խմիչքների ընտրանի։ Հանգիստ երաժշտության ներքո՝ դուք կարող եք անցկացնել հաճելի երեկո, ընթրել թեթև նախուտեստներով կամ պարզապես վայելել մեկ բաժակ գինի՝ դիտելով հյուրանոցի ներքին աշխույժ շարժը։

Lobby Bar-ը բաց է ողջ օրը՝ հյուրերին առաջարկելով հարմարավետ միջավայր ինչպես առավոտյան սուրճի, այնպես էլ երեկոյան հանգստի համար։ Մեր բարեկիրթ սպասարկող անձնակազմը պատրաստ է բավարարել ձեր բոլոր ցանկությունները՝ դարձնելով ձեր պահերը այստեղ անմոռանալի։

Լոֆթ կենտրոն

ԼՈՖԹ ժամանցի կենտրոնը նոր սերնդի տարածք է նրանց համար, ովքեր փնտրում են մի վայր, որտեղ կարելի է համատեղել գիտելիքը, ստեղծարարությունն ու լիարժեք հանգիստը։ Այստեղ յուրաքանչյուր անկյուն մտածված է մանրակրկիտ՝ ստեղծելու բազմաբնույթ, հարմարավետ և ոգեշնչող միջավայր տարբեր հետաքրքրություններով մարդկանց համար։

Հյուրանոցի LOFT կենտրոնից բացվում է կախարդական պանորամ տեսարան դեպի Ջերմուկի սարերն ու Արփայի կիրճը՝ ստեղծելով ազատության և ներդաշնակության յուրահատուկ մթնոլորտ։

LOFT-ը համադրում է նրբաճաշակ ինտերիեր, թարմ և բացառիկ կոկտեյլների մենյու, հագեցած երաժշտական երեկոներ ու լիարժեք հանգստի համար նախատեսված անկրկնելի միջավայր։

Սրահում դուք կարող եք վայելել նաև սեղանի խաղեր և գրադարան՝ ձեր ժամանցը դարձնելով առավել հաճելի ու բազմազան։

LOFT-ը հիանալի ընտրություն է թե՛ ռոմանտիկ երեկոյի, թե՛ ընկերական հանդիպման համար։

Տեռասա Բար

Վայելե՛ք արևով լցված Ձեր հանգիստն ու ժամանցը մեր Տեռասա Բարում։ Թարմ լեռնային օդն և գեղեցիկ դիզայնը ձևավորում են Ջերմուկի հեքիաթային տրամադրությունը։

Տեռասա Բարը բաց է բոլոր սեզոններին և առաջարկում է երեկոյան խմիչքների հարուստ ընտրություն՝ բաց երկնքի տակ։ Մեզ մոտ յուրաքանչյուր գավաթ ու վայրկյան՝ լի են վայելքով։
 

Լոֆթ բար

ԼՈՖԹ բարը համեղ խմիչքների, թեթև նախուտեստների ու ուրախ միջավայրի անկյունն է։ Այստեղ կարող եք վայելել օրվա հանգիստը համեղ կոկտեյլով կամ սուրճով՝ ընկերների, գործընկերների կամ պարզապես ինքներդ ձեզ հետ։

Բարի ինտերիերը համադրում է ժամանակակից դիզայնը ջերմ լուսավորությամբ՝ ստեղծելով հարմարավետ միջավայր հանգստանալու, շփվելու և նոր ծանոթություններ հաստատելու համար։ Երբեմն այստեղ անցկացվում են թեմատիկ երեկոներ, բաց միկրոֆոն, կենդանի երաժշտություն և DJ set-եր։

Կոնֆերանս սրահ

Բարձր տեխնոլոգիաներով հագեցած կոնֆերանս սրահը նախատեսված է գործնական և կրթական միջոցառումների, սեմինարների, վարպետաց դասերի, հանդիպումների ու քննարկումների անցկացման համար։ Սրահն ապահովված է պրոյեկտորով, մեծ էկրանով, ձայնային համակարգով և արագ ինտերնետով։

Տարածքը կարող է հարմարեցվել խմբի չափին և միջոցառման բնույթին՝ ապահովելով արդյունավետ աշխատանքային միջավայր ինչպես փոքր խմբերի, այնպես էլ մեծ լսարանի համար։

Մարզասրահ

Ձեր առողջությունն ու ֆիզիկական պատրաստվածությունը մեր գերակա արժեքներից են։ Հյուրանոցի տարածքում գործող մարզասրահը համապատասխանում է եվրոպական ստանդարտներին և հագեցած է բարձրակարգ, ժամանակակից մարզասարքերով՝ նախատեսված ինչպես ուժային, այնպես էլ սրտամկանի մարզումների համար։

Մարզասրահը տրամադրում է բոլոր անհրաժեշտ պայմանները արդյունավետ մարզման, մարմնի տոնուսի բարձրացման և առօրյան ակտիվ պահելու համար։ 

Անկախ նրանից՝ սկսնակ եք թե փորձառու մարզվող, մեր սարքավորումները թույլ կտան հասնել ձեր նպատակներին՝ հարմարավետ և ապահով միջավայրում։

Լողավազա - Շոգեբաղնիք - Ջակուզզի

Վայելեք իդեալական հանգիստ մեր հյուրանոցի բացառիկ ջրային գոտում՝ մի տարածքում, որտեղ յուրաքանչյուր մանրուք նախատեսված է ձեր հարմարավետության, առողջության և հաճույքի համար։

Մեր 17 մետրանոց փակ, պանորամ շքեղ լողավազանը իր հսկայական պատուհաններով բացում է Ջերմուկի գեղատեսիլ լեռնագագաթների շունչ կտրող տեսարան։ Այստեղ՝ բնության սրտում, դուք ձեզ լիովին միաձուլում եք շրջապատող աշխարհի հետ. բյուրեղյա մաքուր լեռնային օդը, մեղմ լուսավորությունը և խաղաղ մթնոլորտը ստեղծում են իդեալական պայմաններ մարմինն ու հոգին վերականգնելու համար։

• 17 մետրանոց լողավազան
Ընդարձակ, լուսավոր և նրբագեղ, այն հրավիրում է ձեզ հանգիստ լողի կամ նրբագեղ հանգստի։ Այստեղ ամեն պահը վերածվում է հաճույքի, իսկ լեռների վեհաշուք տեսարանները ստեղծում են բարձրության վրա մեդիտացիայի զգացողություն։

• Ջակուզի բարձր ջերմաստիճանի հիդրոմերսմամբ
Բացառիկ հանգստացնող և բուժիչ փորձառություն։ Ջրի մեղմ շիթերը թեթևացնում են մկանների լարվածությունը, բարելավում արյան շրջանառությունը և մարմինը թողնում թեթև ու ներդաշնակ։

• Պրեմիում սաունա
Բնական ջերմությունը և օպտիմալ խոնավությունը մաքրում են մաշկը, ամրապնդում են իմունային համակարգը, խթանում նյութափոխանակությունը և ամբողջությամբ վերականգնում կենսական էներգիան։ Բացառիկ հանգստի մթնոլորտ

Ջերմուկ Հոթել և ՍՊԱ հյուրանոցի ջրային գոտին ավելին է, քան պարզապես հանգստանալու վայր։ Այն շքեղության անձնական օազիս է, որտեղ յուրաքանչյուր մանրուք մտածված կերպով մշակված է ձեր իդեալական հանգստի համար՝ ջրի որակից մինչև ինտերիերի դիզայն և մինչև բնության հետ միասնության զգացում։ 

Այստեղ դուք կգտնեք ոչ միայն հանգիստ, այլև երկարատև վերականգնում։

Բժշկական կենտրոն

Ջերմուկ Հոթել և ՍՊԱ հյուրանոցում հանգիստը իրենից ներկայացնում է բուժական ծառայությունների մատուցման բարձր որակ, մասնագետների որակյալ խորհրդատվություն, սպասարկող անձնակազմի հոգատար վերաբերմունք: Բուժումների առանցքային մասը հիմնված է գերջերմային հանքային ջրերի կիրառման, ինչպես նաև բարձր լեռնային տեղանքի կլիմայական առանձնահատկությունների վրա:

Ջերմուկի առողջարար միջավայրում ձեզ է սպասում բուժական և սպա ծառայությունների լայն ընտրանի, որոնք միավորում են ժամանակակից մեթոդները և բնական ռեսուրսների բուժիչ ուժը։ Մեր պրոֆեսիոնալ մասնագետների թիմն առաջարկում է անհատական մոտեցում՝ հաշվի առնելով ձեր առողջական կարիքներն ու նպատակները։

Չափազանցված չէ ասել, որ այստեղ ամեն քայլում դուք զգում եք հոգատար վերաբերմունքը՝ լինի դա հանքային լոգանք, մերսում, ֆիզիոթերապիա թե շնչառական թերապիա։ Մեր ծառայությունները նպաստում են ոչ միայն ֆիզիկական առողջացմանը, այլև հոգեկան հանգստության և էներգիայի վերականգնման։Առաջարկելով ավելի քան 50 և ավելի բուժական պրոցեդուրանները մեր բուժարանը հանդիսանում է տարածաշրջանում եզակի ու առաջատարը։

Մեր հյուրանոցի բուժական կենտրոնն աշխատում է ամեն օր 
ժամը՝  09։20 – 16։50, ընդմիջում՝ 14։00 – 15։00։